ජාතික ක්‍රීඩා විද්‍යා ආයතනයේ සේවාවන් ව්‍යාප්ත කිරීමේ අටියෙන් ගරු ක්‍රීඩා ආමත්‍ය මහින්දානන්ද අලුත්ගමගේ මහතාගේ සුරතින් 2013 ජුලි 08 වැනි දින ශරීරසුවතා උපදේශන ඒකකය විවෘත කරන ලදි. මෙම ඒකකය මඟින් පොදු මහජනතාව වෙත සිරුරේ පවත්වා ගත යුතු ජල හා මාංශ ප්‍රතිශතය, BMI අගය උසට සරිලන බර ප්‍රමාණය, හැඩැති සිහින් උදරයක් පවත්වා ගැනීමට කටයුතු කලයුතු අකාරය ආදීය පිළිබඳ අවශ්‍ය තොරතුරු ලබාදෙයි. එමෙන්ම පෝෂණය පිළිබඳ උපදේශන සහ තමන්ට ගැලපෙන ශාරීරික ව්‍යායාම හඳුනාගැනීමට අවශ්‍ය මඟපෙන්වීම් කිසිදු අයකිරීමකින් තොරව නොමිලේම සපයනු ලබයි.
මෙම අලුතින් ආරම්භ කරන ලද ශාරීර සුවතා උපදේශන ඒකකයත් සමඟ රාජ්‍ය සහ පෞද්ගලික ආයතනයන්හි දේශන වැඩමුළු සහ ශරීරසුවතා කඳවුරු පවත්වමින් රටපුරා සිය සේවාවන් ව්‍යාප්ත කිරීමට ජාතික ක්‍රීඩා විද්‍යා ආයතනය බලපොරොත්තු වෙයි.මෙම වැඩසහනින් අපේක්ෂ කරනුයේ සෞඛ්‍ය සම්පන්න ආහාර වේලක් හා නිරෝගී මානිසික නිරෝගීභාවය තහවුරු කරමින් ශ්‍රී ලංකාවේ ශ්‍රම බලකායෙහි වැඩකිරීමේ ශක්තිය ඉහළ නංවාලීමයි.
